O beato

O beato frei Xiao de Chaguazoso, santo da Igrexa e falecido no século XVI, relixioso franciscano da Provincia do Santo Evanxeo de México, relata a súa vida chea de prodixios e adversidades apoiándose nas láminas que frei Tadeo de la Aguadilla, da mesma Orde e Provincia, faría sobre el, séculos despois, e que foron recollidas nun libro que alguén esqueceu nos bancos dunha igrexa. Un argumento que lle serve ao autor para recrear con rigor histórico e alento de relato de aventuras un mundo imaxinado no México de Hernán Cortés, onde o protagonista, un mozote emigrante de humilde orixe galega, convive con aventureiros, soldados e freires que interactúan coa poboación indíxena. Unha das novelas máis logradas e fermosas de Alfredo Conde.

Formato:

8,49 €

( impuestos incluidos )

SOBRE EL AUTOR/A

Alfredo Conde

Alfredo Conde (Allariz, 1945). Mariño mercante. Dedicado ao xornalismo literario, colabora actualmente con El Correo Gallego. A súa obra narrativa está traducida a diversas linguas. En 1968 apareceu o seu primeiro libro, o poemario Mencer de lúas. Como narrador publicou, entre outras obras, Mementos de vivos (1974), relatos; O contubernio (1978), novela; O barco é do amo (1978), novela; Breixo (Xerais 1981), novela, Premio da Crítica Española e Premio da Crítica de Galicia; Memoria de Noa (Xerais 1982), Premio Chitón de novela e Premio Ícaro; Xa vai o Griffón no vento (1984; Xerais 1998), Premio Blanco Amor de novela, Premio da Crítica Española, Premio Nacional de Literatura, Premio Grinzane Cavour á mellor novela estranxeira publicada en Italia en 1990; Una conversación en la Habana (1989), longa entrevista con Fidel Castro; Música sacra (1989), contos; Los otros días (1991), Premio Nadal de novela; Sempre me matan (1995), novela; A Casa de Adara (Xerais 1996), relatos; O fácil que é matar (Xerais 1997), novela; Azul cobalto (2001), novela; Memorias dun soldado (2002), novela; Ósos de santo (2010), novela; Chovida do ceo (Xerais 2014) novela e O beato (Xerais 2016), Premio Ateneo de Valladolid 2015.