O Camiño de Santiago: doce séculos de historia

Nacido das peregrinacións que comezaron a realizarse a Compostela no século XII, o Camiño de Santiago é unha das creacións culturais máis grandes e lonxevas desenvolvidas en Europa no último milenio. «O Camiño de Santiago: doce séculos de historia» é un pequeno tesouro, tanto para o peregrino que quere adquirir un coñecemento ameno e rigoroso que sen dúbida enriquecerá a súa experiencia, como para calquera outra persoa que queira acrecentar o seu saber sobre este.
Consciente de que, co paso do tempo, as raíces relixiosas do Camiño se foron estendendo ao ámbito espiritual, cultural e social, Manuel Garrido ofrece nestas páxinas un completo panorama de todos os aspectos relevantes que se produciron ao seu redor, para dar tamén unha adecuada medida da súa singularidade histórica e antropolóxica.

Precio:

9,99 €

( impuestos incluidos )

SOBRE EL AUTOR/A

Manuel Garrido

Manuel Garrido Rivero (Segovia, 1964) é historiador e peregrino. Desde 1996 traballa na S. A. de Xestión do Plan Xacobeo (Xunta de Galicia). É autor de libros e artigos relacionados co Camiño de Santiago como «Guía práctica do Camiño Portugués. De Ponte de Lima a Santiago» (2004); «A Ribeira Sacra. Guía práctica» (2008); «Guía de Padrón» (2019) e «El Camino de Santiago: doce siglos de historia» (2023). Tamén é coautor de «Paseniño pola Vía da Prata. O Camiño Mozárabe pola provincia de Ourense» (2025). Participou na redacción da «Gran Enciclopedia del Camino de Santiago. Diccionario de la cultura jacobea» (2010 e foi directivo da Asociación Galega de Amigos do Camiño de Santiago (AGACS). Tamén impartiu a materia Antropoloxía e o Camiño de Santiago no máster sobre o Camiño de Santiago da Universidad Pontificia de Salamanca.