O misterio dos gatos rosas

Sil pensaba que todo ía ben dende que apareceu na súa vida Sultán, un can xigante cheo de maxia e de peidos con burbullas e estreliñas. Pero cando os gatos da vila comezan a poñerse rosas e a esvaecerse coma se fosen pantasmas… o misterio está servido! Xunto á súa amiga Alba, o inseparable Sultán e o inesperado Coco (un cadeliño con moita enerxía e peidos tan fedorentos que fan desmaiar os paxaros), Sil lánzase a investigar. Quen está detrás do inexplicable misterio dos gatos rosas?
Unha aventura inesquecible que combina risas, amizade e un toque de ciencia ficción.

Formato:

6,99 €

( impuestos incluidos )

SOBRE EL AUTOR/A

Marta Villar

Marta Villar (Malpica de Bergantiños, 1973) é xornalista. En 2020 conseguiu o Premio Tiflos de Xornalismo e resultou finalista no XLI Premio de Xornalismo Julio Camba Afundación. Foi finalista tamén nos certames de microrrelatos da Real Academia Galega e PuntoGal nas edicións de 2021 e 2022, así como no Premio de Poesía Gloria Fuertes do Concello de La Rinconada (Sevilla) de 2021. A súa primeira novela é «Non temerás os coches amarelos» (Xerais, 2023) e gañou o XLI Premio Xerais de Novela coa obra «Detective Ferruchi» (Xerais, 2024). No eido da literatura infantil estréase con «Os peidos máxicos de Sultán» (Xerais, 2024) e en 2026 publica «O misterio dos gatos rosas».

Lucía Barrios

Lucía Barrios (Lugo, 1982) traballou varios anos como deseñadora gráfica mentres soñaba con dedicarse á ilustración. Agora que esta é a súa profesión a tempo completo, desfruta creando personaxes divertidos, que reflictan a súa personalidade. Traballa principalmente con técnica dixital, mais procura sempre un resultado que lembre o debuxo manual. En Xerais, é autora das ilustracións de «Os peidos máxicos de Sultán» (2024), «Biscoito de castañas» (2025) e «O misterio dos gatos rosas» (2026).

❮ ❯