O rescate do unicornio

Se a Iria lle dixesen que ía ver un unicornio de verdade, non o crería; e se lle falasen dos seres mitolóxicos que estaba a piques de coñecer (olláparos, demos, xacias) pensaría que se burlaban dela. Por iso, cando atopa o unicornio Rixo e descobre que está en problemas, deberá aceptar que a realidade non é como imaxinaba e unir forzas con Tilo (outra humana que pode ver os seres ocultos) e con Xan (un diaño burleiro queixón) para tratar de salvar o animal, e a si mesma.
Unha aventura inesquecible por lugares que todos cremos coñecer, pero que agochan maxia e seres fantásticos. Benvidas e benvidos ao Mundo Oculto!

Formato:

12,95 €

( impuestos incluidos )

SOBRE EL AUTOR/A

Paula Cheshire

Paula Cheshire (Pontevedra, 1993) é debuxante de cómics e ilustradora, é coautora da banda deseñada infantil «Miquits» e, como autora total, publicou «El duelo». Actualmente traballa como ilustradora freelance para diferentes editoriais. Nas súas redes sociais publica contidos en formato cómic sobre temas diversos, en especial sobre saúde mental en clave de humor. «Me das ansiedad» é un recompilatorio de parte dese traballo publicado na Rede. En Xerais ilustrou os libros «Wombo Combo» (2024), «O rescate do unicornio» (2025) e «Queco e Kika» (2025).

Ana Vigo

Ana Vigo (Pontevedra, 1992) traballa como xornalista, exercendo como redactora e guionista de televisión. Escribe desde nena e publica o seu primeiro relato en 2015 na revista «Contos Estraños». En 2018 ve a luz a novela xuvenil, «La guerra Súcrea», á que segue «Erica» (2022). Como autora, gústalle moverse no eido da literatura infantil e xuvenil, a poder ser, con historias cheas de maxia e aventuras. «O rescate do unicornio» (2025) é a súa primeira obra publicada en Xerais.

❮ ❯