Os vagalumes de Marí

Marí é unha nena de dez anos que vive feliz ata que o seu pai ten que embarcar por motivos de traballo. Cando o barco está a piques de regresar, o faro da vila estrágase. Marí nunca imaxinaría que o conto que lle contaba o pai sobre monstros e vagalumes poida ter algo que ver coa posibilidade de que o faro volva iluminarse antes de que o seu pai chegue a porto.

Formato:

12,95 €

( impuestos incluidos )

SOBRE EL AUTOR/A

Alba Míguez

Alba María Míguez González (Gondomar, 1999) debuxa desde sempre, tanto soa coma co seu avó paterno, quen lle descubriu a arte da pintura. Máis adiante comeza a interesarse por escribir historias a través de plataformas web e iso derivou na escrita de guións grazas a Fernando Llor, profesor do Garaxe Hermético, onde realizou os seus estudos de Banda Deseñada. Como guionista de «Gloria no Paraíso», debuxada por Damián Gómez, gañou o concurso Cíes Talent; foi finalista do concurso Universo Goya coa obra «El restaurador», debuxada por Lucía Cid e con guión seu. É coautora da historia «Gansadas» publicada en «Infiniteca». Xunto con Damián Gómez, é autora do cómic infantil «Os vagalumes de Marí» (Xerais, 2024).

Damián Gómez

Damián Gómez Figueiras (Cambados, 1995). Debuxa desde neno, mais non é ata que se gradúa ou como Instalador de Telecomunicacións cando decide enfocar a súa profesión ao mundo da ilustración. Cursa estudos na escola O Garaxe Hermético e gaña o premio Fin de Curso co proxecto «Nixx», en coautoría con Iago Fernández. Como debuxante de «Gloria no Paraíso», obra guionizada por Alba Míguez, gañou o concurso Cíes Talent. Outras publicacións nas que participou son «Intraterra», «A Pílula do Infinito», incluída na obra «Infiniteca»; «Florencio» ou «As Nove Cruces». Xunto con Alba Míguez, é autor do cómic infantil «Os vagalumes de Marí» (Xerais, 2024).

❮ ❯