Que queres ser de maior, pequena?

Que che gustaría ser de maior? A Antía moito a amola que os adultos lle fagan decote esa pregunta e, aínda máis, que sempre a respondan eles mesmos sen contar coa súa opinión: «Serás unha gran doutora, como a túa nai; ou unha gran panadeira, seguindo a tradición familiar!». Pero Antía ten moi claro a que lle gustaría dedicarse, e os oficios que imaxina non poden estar máis lonxe do que se agarda dela.

Lectura recomendada

Formato:

16,50 €

( impuestos incluidos )

SOBRE EL AUTOR/A

Sabela Fernández Trelles

Sabela Fernández Trelles é mestra especializada en Audición e Linguaxe e licenciada en Psicopedagoxía. É autora de diversos artigos e materiais de ámbito pedagóxico, como o proxecto de estimulación da linguaxe oral «O Dragón Pepón» (2010). Como autora de literatura infantil publicou «As aventuras de Mariña e Lucas» (2012), así como os álbums ilustrados «Augusta e os seus medos» (Xerais, 2015) e «O ladrón de soños» (Xerais, 2018), ambos ilustrados por Alicia Suárez, e «Que queres ser de maior, pequena?» (Xerais, 2021), ilustrado por María Brenn. En 2024 publica na colección Merlín o libro «A miña avoa, a miña heroína» (Xerais, 2024).

María Brenn

María Brenn (1994) estudou Ilustración na EASD Pablo Picasso da Coruña. No eido da ilustración editorial publica o seu primeiro traballo en 2016 e dende entón leva asinado múltiples proxectos. En 2017 recibiu o XIV Premio Pura e Dora Vázquez de Ilustración. No catálogo de Xerais é autora das ilustracións de «Unha abella máxica no camiño» (2021, «Que queres ser de maior, pequena?» (2021) e «A niña amiga invisible» (2023).

❮ ❯