Seis leiras e un piano

Laura Tova (Carballo, 1989) www.lauratova.com Formada en ilustración na EASD Pablo Picasso, comeza co seu proxecto de deseño de produto no ano 2014, para posteriormente introducirse no mundo do deseño e da ilustración publicitarios. Participa en diversas iniciativas de arte urbana como Derrubando Muros con Pintura, Rúar e rir ou Derrubando Muros para ver o Mar, na Coruña. Imparte obradoiros onde transmite a súa particular forma de interpretar a linguaxe gráfica a través dos sentidos e do xogo. Destaca o seu proxecto de autoedición "Voantes" onde conflúen a ilustración e a escultura cunha profunda carga filosófica nun estilo minimalista e naïf. Consideráse unha persoa chea de ilusión, soños e historias coas que establece a súa relación co mundo. Confesa que en 2015 viu a súa primeira estrela fugaz e marchou con ela. En Xerais, é autora das ilustracións de «Música no faiado» (2018) e «Seis leiras e un piano» (2025).

Claudia Castro naceu no barrio compostelán do Castiñeiriño o 30 de decembro de 1972. Xornalista e filóloga, dedícase desde nova á comunicación corporativa. Desde 2011 reside co seu compañeiro e os seus fillos, Darío e Xulia, na aldea de Penelas (Teo). Boa parte do seu tempo transcorre en Corme, na Costa da Morte. Entre outros recoñecementos literarios, obtivo o segundo premio do Certame de Poesía María Mariño ou o primeiro premio no Certame de Poesía Xosé Manuel López Ardeiro. En decembro de 2005 publica o seu primeiro poemario, «Adagio para unha viaxe silente», e en 2018 ve a luz «Ser, corazón e boca.» En 2019 e 2022 saen do prelo «Galicia, o país das marabillas» e «Amiga lúa, amigo mar. Moon, me & the sea», os seus primeiros poemarios para a cativada, aos que lle segue o álbum ilustrado «A Fraga das Avoas Invisíbeis» e «Seis leiras e un piano» (Xerais, 2025). O compositor Fernando Vázquez Arias compuxo música para cinco poemas seus. Na actualidade coordina a Escola de Escrita Allegro.T.