Trece maneiras de mirar un almanaque

«Trece maneiras de mirar un almanaque» é o canto do merlo que lles pon banda sonora aos amenceres da vida do autor dende un loureiro próximo á súa casa. Ese canto e ese merlo son sempre os mesmos e son tamén sempre outros. Mais ese merlo, algún dos merlos, non é acaso o que cantou Wallace Stevens? E un mira dende os seus limitados ollos, mira de trece inesgotables e ubicuas maneiras. E o merlo velaí vai, por entre as xestas, contra todo prognóstico, atravesando o tempo.

Formato:

12,95 €

( impuestos incluidos )

SOBRE EL AUTOR/A

X.L. Mosquera

Xosé Luís Mosquera Camba (Guísamo, 1961) escribe e fai colaxes, se é que non vén sendo unha única cousa. O seu primeiro libro publicado foi «A tensa calma da catapulta» (2003). Despois virían «Nadja c'est moi» (2008, X Premio de Poesía de Carral), «Amebas» (2008, accésit do XXVII Premio Esquío de Poesía), «Das árbores tropicais e do amor» (2018, XX Premio de Poesía de Carral), «A traxedia da arquitectura» (2021, IV Premio de Poesía Xosé María Díaz Castro), «Parhelio» (2021, XX Premio de Poesía Fiz Vergara Vilariño) e «Trece maneiras de mirar un almanaque» (Xerais, 2025, XXVII Premio de Poesía Johán Carballeira). En 2007 editou en formato blog o híbrido «Biolencia» (https://bio-lencia.blogspot.com/).