TSC. Diario da noite

TSC. Diario da noite de Alfonso Armada é un experimento, o intento destemido dun poeta de 24 anos que, seguindo o alento de escritores como Gide ou Joyce, desexaba a literatura como unha sorte de vida e devecía por rexistrar o paso do tempo e todos os seus estragos escribindo un poema cada día do ano de 1982. As obsesións íntimas, os medos, os anhelos e as mitoloxías da época están case todas neste diario poético que é tamén un canto de amor e desapego á cidade de Vigo, onde o poeta naceu, e ás que comezaban a facer parte da súa existencia: Compostela, Madrid, Sevilla ou Tánxer. Estes Trescentos Sesenta e Cinco días son, para o poeta, un intento de dar conta de si.

Formato:

28,50 €

( impuestos incluidos )

SOBRE EL AUTOR/A

Alfonso Armada

Alfonso Armada (Vigo, 1958) asistiu á morte de Franco desde a Universidade de Santiago, onde comezou dúas carreiras, fixo bos amigos, e descubriu a lingua e o teatro. Logo, en Madrid, aprendeu xornalismo e teatro. Traballou no Faro de Vigo, El País e Abc (do que foi correspondente en Nova York, e no que continúa como reporteiro). Dirixiu boa parte das súas pezas de teatro coa compañía Koyaanisqatsi. En galego publicou os poemarios Escuma dos dentros. Poemas 1975-1983 (1997); Pita velenosa, porta dos azares (colección Tambo, 2002); Haikús da Costa da Morte (carpeta con obras orixinais de Antón Patiño, 2007) e TSC. Diario da noite (Xerais 2009). En español publicou, entre outros libros, Cuadernos africanos (1998 e 2002); España, de sol a sol (2001); El rumor de la frontera (2006); Nueva York, el deseo y la quimera (2007); El sueño americano. Cuaderno de viaje a la elección de Obama (2009). http://www.facebook.com/alfonso.armada. Tamén os meus blogs: El mirador, en fronterad: http://fronterad.com/?q=blog/1134 Capitulo aparte, blog colectivo en ABC: http://www.abc.es/blogs/libros/afganistan-la-cronica-de-una-ficcion-que-pone-los-pelos-de-punta/ en Twitter: alfarmada