Uxía e o mar

Paula Merlán (Vigo, 1979) é mestra de Educación Primaria, escritora e Licenciada en Dereito pola Universidade da Coruña. Actualmente compaxina a docencia coa escritura. No ano 2012 viu a luz o seu primeiro álbum ilustrado e desde entón non parou de publicar contos para nenos. Algúns dos seus títulos máis coñecidos son: «Moranda» (2013), «O dedo no nariz» (2018), «Pequeno Botón» (2019), «A troglodita» (2020), «Un trevo para Xulieta» (2020), «Xa non son malo» (2021), «Asali e a lenda do baobab» (2022) e «Ei, ti! Dinosaurízate» (2023). A súa obra foi traducida a máis de dez idiomas e obtivo dúas medallas de ouro (2018 e 2022) nos Premios Latino, nos Estados Unidos. O seu libro «A rede de Inés» (2022) foi seleccionado pola OEPLI. En 2024 publica en Xerais o álbum «Uxía e o mar», ilustrado por Terteres.

Mónica Fernández López, Terteres (Monforte de Lemos, 1973). A curiosidade lévaa a estudar Física en Santiago de Compostela e máis tarde Belas Artes en Pontevedra. Máster en Arte Contemporánea pola USC e en Estudos de Xénero pola Facultade de Dereito da UNED. É profefora de ensino secundario, deseñadora, ilustradora, feminista..., e sobre todo unha eterna aprendiz. En Xerais é autora das ilustracións do álbum «Uxía e o mar» (2024) escrito por Paula Merlán.