A historia de Brava Panadeira

Brava, unha simpática cadela do refuxio, só ten dous defectos coñecidos: roubar todo o pan que ulisca preto dela e saír lixeira tras as furgonetas que o reparten. Aínda así, Lira e os seus fillos, Alba e Xullo, queren adoptala. Por iso, cando o rapaz máis listo do mundo co nome do mes en que naceu abre os brazos para acollela, Brava lámbelle o nariz coma se fose un xeado mentres o seu rabo peludo abanea dun lado para outro.
E aquí comeza esta historia.

Lectura recomendada

Formato:

13,50 €

( impuestos incluidos )

SOBRE EL AUTOR/A

Alicia Borrás

Alicia Borrás naceu en Vigo onde traballa como profesora de teatro, actriz de dobraxe e escritora. Ten publicado o libro «Nata y chocolate» (2010). Coa súa obra «Versos graciosos, sabrosos y jugosos» quedou finalista do Premio Lazarillo de Creación literaria. «O señor Corpo quere xogar» (Xerais, 2013) foi o seu primeiro libro publicado en Xerais, ao que lle segue «A historia de Brava Panadeira» (Xerais, 2025).

Blanca Vila

Blanca Vila naceu o 26 de outubro de 1993 en Ferrol. Grazas ao apoio da súa familia, sempre puido estar rodeada de inspiración e aprendizaxe no estudio dun bo amigo da familia, o mesmo estudio onde hoxe en día imparte clases de debuxo e ilustración, á vez que realiza o seu traballo como ilustradora freelace. Formada na Escola de Arte Superior e Deseño Pablo Picasso, o seu traballo abarca desde a ilustración de libros ata o deseño de campañas publicitarias, cartelería de cine ou imaxe de produtos comerciais. En Xerais, é autora das ilustracións de «Liliam Strawberrey e o paxaro da morte» (2023) e «A historia de Brava Panadeira» (2025).

❮ ❯