A biblioteca de Pedrarcana

Pedrarcana de Leria era unha cidade engaiolada nunha burbulla de tedio. Alí case nunca pasaba nada interesante: a xente non lía, non falaba, non soñaba, non xogaba, non protestaba, deixábase levar. Mais cando chegou Alexandra a traballar na biblioteca as cousas comezaron a mudar e, sobre todo, cando Mauricio, o mestre, atopou no tranvía o libro das tapas vermellas. Falou na clase con tanto entusiasmo da historia do pirata da cidade, que Artai e as súas irmás, Xela e Sabela, acudiron á biblioteca na procura do tesouro agochado en Pedrarcana.
“A biblioteca de Pedrarcana” é unha historia moi emocionante e fermosa sobre o valor dos libros e das bibliotecas para mudar a pel dunha cidade.

Formato:

13,50 €

( impuestos incluidos )

SOBRE EL AUTOR/A

Carlos Taboada

Carlos Taboada (Pontevedra, 1979) É ilustrador, publicista, escritor e sobre todo lector. En 2008 fundou xunto a Enrique Mauricio o colectivo de actividades creativas Polo Correo do Vento a partir da colección de libros do mesmo nome. Esta colección consta de sete volumes dirixidos ao público infantil e foi publicada por Edicións Xerais de Galicia ese mesmo ano. Dende entón, a través de Polo Correo do Vento, ten levado a cabo numerosos traballos de ilustración, publicidade, creación audiovisual e diversas publicacións infantís. Actualmente dedicase á realización de actividades de animación á lectura, obradoiros de ilustración e á creación de historias. «A biblioteca de Pedrarcana» (Xerais, 2018) foi finalista do Premio Merlín de Literatura Infantil 2017. En 2024 volve quedar finalista deste premio con «O caderno de Roque».