As flores do meu amigo

Estamos no século XIII, no reinado de Afonso X, o Sabio. Paio Gómez Chariño, o trobeiro autor de cantigas extraordinarias, volve a Galicia traendo canda el ó mozo Edelmiro Soutelo, fillo dun cabaleiro que morreu loitando contra os mouros nas guerras de Granada. A viaxe que fan de Toledo a Compostela está chea de loitas e perigos, pero tamén de feitos marabillosos. E Edelmiro descubrirá o amor cando Xoana, a filla de Paio Gómez, se una en Zamora á expedición.
As flores do meu amigo é unha amena e documentada novela de fondo histórico, que pon ante os nosos ollos o fascinante mundo medieval dos trobadores e xograres.

Formato:

9,50 €

( impuestos incluidos )

SOBRE EL AUTOR/A

Xosé Cobas

Xosé Cobas (Logrosa-Negreira, A Coruña, 1953) está vencellado profesionalmente ao mundo da pintura e do deseño gráfico. A comezos dos anos oitenta toma contacto co eido da ilustración, sobre todo na prensa e nas revistas, iniciándose na ilustración de literatura infantil e xuvenil, sen abandonar os rexistros pictóricos. Dende aquela publicou numerosos libros, gañou varios premios e participou en diversas exposicións en España e no estranxeiro. Entre as súas obras destacan «O libro das viaxes imaxinarias» (Xerais 2008), Premio Isaac Díaz Pardo ao Libro Ilustrado do Ano, Premio Asociación de Escritores en Lingua Galega Infantil-Xuvenil e Premio Fervenzas Literarias ao Mellor Libro Xuvenil, e «Lendo lendas, digo versos» (Xerais 2015), Premio Gala do Libro Galego Iniciativa Bibliográfica 2016 e Lista de Honra do IBBY 2018.

Rafael Fernández Lorenzo

Rafael Fernández Lorenzo. Nado en Cangas do Morrazo en 1962, é escritor e colabora en diversos medios con artigos de creación e crítica literaria. Como autor literario, publicou os seguintes libros: «Son media ducia e parecen cen» (1991), «O ladrón de voces» (1998), «As flores do meu amigo» (Xerais, 2000) e «Cocotibur» (Xerais, 2021). En 2023 gaña o Premio Raíña Lupa coa novela «As pedras verdes» (Xerais, 2024). É autor doutras obras como «Abecedario de Ricardo Carvalho Calero» (2019) e «Abecedario de Bernardino Graña» (2020), e coautor de «Conversas con Bernardino Graña» (Xerais, 2005). A súa obra está traducida a varios idiomas, como o éuscaro, portugués, catalán e castelán.

❮ ❯