Galería de saldos

En cada un dos relatos de Galería de saldos mestúranse as vidas de personaxes cotiáns, protagonistas de calquera crónica de actualidade, con obras de arte orixinais ou reproducións baratas. Un mondrian nun edredón, un maruja mallo nunha bolsa de pan. A arte, igual que as traxectorias dos que fracasan, tamén pode quedar fóra de contexto. É doado identificarse con calquera dos personaxes do libro porque están aí, na sección de sucesos dun xornal, sentados no bar de sempre. Son superviventes dunha crise que os obriga a crer que teñen mala sorte. Caen enfermos. Padecen desamor, violencia e frustracións. Galería de saldos é unha homenaxe aos antiheroes en bata de casa.
Escrito con importantes doses de ironía e a franqueza máis cruenta, neste libro non hai oco para a fantasía, unicamente para unha realidade que doe. As vidas dos personaxes son coma pezas da mostra dunha galería en rebaixas tan só visitada pola persoa encargada da limpeza.

Formato:

19,50 €

( impuestos incluidos )

SOBRE EL AUTOR/A

Diego Giráldez

Diego Giráldez (O Porriño, 1976) leva toda a súa vida profesional vinculado ao xornalismo e á comunicación. Ademais de coordinar varias cabeceiras, colaborou como columnista de opinión nos xornais «A Nosa Terra» ou «Xornal de Galicia» e, a través de reportaxes culturais, en «El País». Na actualidade, é colaborador do diario dixital «Praza Pública» e da «Revista Luzes». Ademais, fundou e dirixiu publicacións como o magazine «Kalaikia», «Malladoura» ou «CanZine». É autor de varios traballos sobre arquitectura e historia. A súa primeira obra literaria de narrativa foi «Galería de saldos» (Xerais, 2016), libro de relatos polo que foi elixido «Autor galego do ano» pola revista «Fervenzas Literarias». Tamén publicou as novelas «Hotel para coleccionistas discretos» (2019), «O meu sangue» (2022) e «As obras póstumas» (Xerais, 2025), coa que logrou o XLIII Premio Blanco Amor de Novela. Ademais, Diego Giráldez recibiu o Premio José Saramago de relato curto (2010), o primeiro accésit do Certame Nacional de Narracións Breves Modesto R. Figueiredo (2015), o Premio Literario Manuel Murguía (2016) e foi finalista do Premio de Xornalismo Francisco Fernández del Riego nos anos 2020 e 2022. Fotografía do autor: Mateo H. Soto.

Iago Sánchez Losada

Iago Sánchez Losada (Vigo, 1985) estudou Artes Gráficas e Gráfica Publicitaria e exerce como deseñador gráfico de xeito profesional dende hai máis de dez anos. Nos anos 2008 e 2009, o colectivo "Creatividade Galega" elixiu algúns dos seus traballos para incluir no seu prestixioso anuario. Un importante número de proxectos empresariais galegos, así como de outros ámbitos, levan a imaxe creada por Sánchez Losada. En relación co eido editorial, foi o encargado de ilustrar o libro "Galería de saldos" (Xerais, 2016), realizando interpretacións de coñecidas obras de arte para cada un dos relatos. Na actualidade, traballa como Director de Arte nunha coñecida axencia de comunicación. Neste ámbito, o seu traballo máis destacado son as ilustracións realizadas para o documental "50 anos de Torre de Núñez".

❮ ❯