Música no faiado

Miguel Anxo Alonso Diz (Madrid, 1976). Licenciado en Economía, compatibiliza o exercicio da docencia coa súa actividade literaria e con diversas colaboracións en Radio Allariz e en varios blogs. Ten participado en numerosas iniciativas culturais en Galicia e Portugal, así como na meirande parte dos festivais de poesía que se organizan en Galicia. Destaca o seu labor como contacontos, así como as súas colaboracións cos servizos de dinamización lingüística de diversos concellos e centros educativos, tanto como contador de historias como impartindo obradoiros de poesía e de escrita. En 2012 deuse a coñecer no eido da literatura infantil e xuvenil xunto á ilustradora Luz Beloso coa obra «O cullarapo Croque». Outros títulos seus son «A nena á que non deixaban ser feliz»; «O soño de Esther»; «O valente coello que quixo soñar», «Mel, unha mosca agradecida» ou «O país da choiva». En 2017 obtivo o Premio Paraugas do Clúster de Comunicación de Galicia ao libro infantil do ano xunto a Xosé Tomás. En Xerais ten publicadas as novelas infantís «Música no faiado» (2018), «Instrucións para ler este libro» (2022), «Axencia Galega de Asuntos Máxicos» (2024) e «De príncipes, princesas e outras andrómenas» (2025).

Laura Tova (Carballo, 1989) www.lauratova.com Formada en ilustración na EASD Pablo Picasso, comeza co seu proxecto de deseño de produto no ano 2014, para posteriormente introducirse no mundo do deseño e da ilustración publicitarios. Participa en diversas iniciativas de arte urbana como Derrubando Muros con Pintura, Rúar e rir ou Derrubando Muros para ver o Mar, na Coruña. Imparte obradoiros onde transmite a súa particular forma de interpretar a linguaxe gráfica a través dos sentidos e do xogo. Destaca o seu proxecto de autoedición "Voantes" onde conflúen a ilustración e a escultura cunha profunda carga filosófica nun estilo minimalista e naïf. Consideráse unha persoa chea de ilusión, soños e historias coas que establece a súa relación co mundo. Confesa que en 2015 viu a súa primeira estrela fugaz e marchou con ela. En Xerais, é autora das ilustracións de «Música no faiado» (2018) e «Seis leiras e un piano» (2025).