Quero ser coma Vero Boquete

O mundo de Lucía é silencio, regras e pantasmas:o seu pai converteu a casa nunha prisión, onde non se fala, non hai fotos de familia e, por algún motivo, o fútbol está prohibido. Pero ela non pode ignorar a fame polo xogo que lle formiga nas veas nin a lembranza dunha nai de quen só conserva unha fotografía secreta e chea de lama. Lucía terá que decidir se está disposta a arriscarse para conquistar o seu lugar dentro e fóra dun campo de fútbol.
IX Premio Agustín Fernández Paz de Literatura Infantil e Xuvenil pola Igualdade

Formato:

6,99 €

( impuestos incluidos )

SOBRE EL AUTOR/A

María Brenn

María Brenn (1994) estudou Ilustración na EASD Pablo Picasso da Coruña. No eido da ilustración editorial publica o seu primeiro traballo en 2016 e dende entón leva asinado múltiples proxectos. En 2017 recibiu o XIV Premio Pura e Dora Vázquez de Ilustración. No catálogo de Xerais é autora das ilustracións de «Unha abella máxica no camiño» (2021, «Que queres ser de maior, pequena?» (2021), «A niña amiga invisible» (2023) e «Quero ser coma Vero Boquete» (2026).

Fran Fernández Davila

Fran Fernández Davila (Vigo, 1974). Fillo de mecánico naval e de obreira de conserva, é enxeñeiro industrial, profesión que exerce dende o ano 2000 e que compaxina dende 2016 cunha intensa e frutífera traxectoria literaria. Neste tempo publicou cinco novelas e cinco poemarios, entre eles «A senda de sal» (2017), «Alana» (2018), «Mover os marcos» (2019), «O bosque do duque's-Hertogenbosch» (2022), «Primavera. A camareira, o cuarto e o libro de poemas» (2023), «KoNpostEla» (2023), «Groenlandia» (2023) ou «Atravesar o don» (2024). A súa obra, que afonda nas complexidades das relacións humanas con gran sensibilidade, foi distinguida con máis de corenta galardóns tanto en narrativa como en poesía. «Principio de superposición» (Xerais, 2026), a obra gañadora da XXVII edición do Certame de Narración Curta Ánxel Fole, supón a súa aterraxe na colección Fóra de Xogo de Xerais. En 2025 gaña o IX Premio Agustín Fernández Paz de Literatura Infantil e Xuvenil pola Igualdade con «Quero ser coma Vero Boquete» (Xerais, 2026).

❮ ❯