Guía das árbores autóctonas e ornamentais de Galicia

Marisa Castro, doutora en Bioloxía, profesora da Universidade de Vigo, é unha das maiores estudosas da botánica do noso país. Autora da "Guía das setas ou cogumelos comestibles de Galicia" (Xerais 1982), a primeira guía micolóxica en lingua galega, obra pioneira que continuou con "Setas ou cogumelos de Galicia" (Xerais), extraordinario éxito de vendas nas súas tres edicións, e con "Guía dos cogomelos comúns de Galicia" (Xerais 2000). Obras que completou e revisou en "Cogomelos de Galicia e Norte de Portugal" (Xerais 2004), a obra que se pode considerar definitiva sobre a micoloxía galega. Tamén é co-autora, xunto con Luís Freire, da exitosa "Guía das árbores de Galicia" (Xerais 1990) e xunto a Antonio Prunell e Jaime B. Blanco-Dios "Guía das árbores autóctonas e ornamentais de Galicia" (Xerais 2007).

Jacobo Fernández Serrano (Vigo 1971) é licenciado en Belas Artes na especialidade de pintura pola Universidade Complutense. Ilustrador, pintor, debuxante e comiqueiro, como autor de literatura infantil publicou na colección Merlín de Xerais os libros "A gardería de dona Bixelmina" (2005), "A pedra e as formigas" (2006), "Mil cousas poden pasar. Libro I" (2009), premio Merlín de literatura infantil e "Mil cousas poden pasar. Libro 2" (2011). Iniciouse na ilustración de libros de literatura infantil en Xerais con "As aventuras de Nunavut" de Xoán Abeleira, serie da que publicou catro libros: "O nacemento de Nunavut" (2003), "Un día de caza" (2003), "Sedna, a deusa do mar" (2004) e "O caribú namorado" (2005); ao que seguriron outros traballos para diversas editoriais. Ademais de traballos de ilustración de libros de texto, dicionarios, guías de natureza, carteis ou ilustracións para televisión, etc. É, tamén, autor da serie de banda deseñada "Os amigos de Archimboldo Roque", publicada na revista "Golfiño" (2000 a 2004) e recollida no volume homónimo publicado por Faktoría K (2008). Tras realizar este personaxe converteuse en colaborador da publicación periódica "Dos Veces Breve", así como da segunda época da revista "BD Banda", na que desenvolve a serie titulada "Animais pantasma". Co álbum de cómic "Aventuras de Cacauequi" (2007), obtivo o premio Castelao da Deputación da Coruña de Banda Deseñada, e a nominación ao Premio Expocómic 2008 de Madrid e do Salón do Cómic de Barcelona, no apartado de autor español revelación. É autor da serie de cómic para os primeiros lectores "Marcopola. A illa Remeira" "Lois Pereiro. Breve encontro" (Xerais, 2011) é a súa primeira novela gráfica. Mantén abertos dous blogs, onde publica adianto das súas ilustracións e traballos: http://jacobofernandezserrano.blogspot.com/http://osamigosdearchimboldoroque.blogspot.com/http://milcousas.wordpress.com/