A illa misteriosa

Jules Verne naceu en Nantes en 1828 e finou en Amiens en 1905. Viaxou a París para estudar Dereito por expreso desexo do seu pai, pero o ambiente literario da bohemia parisiense fará que se decida a se converter en escritor. Comeza escribindo pequenas obras de teatro e coñece a Hetzel, o seu editor, quen lle publicará «Cinco semanas en globo», novela que será o inicio da súa fecunda e exitosa produción literaria.

Ánxela Gracián (Castroverde, 1968) é escritora de literatura infantil e tradutora. Ten publicados numerosas traducións para o galego, como Memorias de Adriano (1998) de Margarite Yourcenar, Corto Maltés ou Balada do mar salgado (2006) de Hugo Pratt. Foi gañadora da VIIª edición do Premio Plácido Castro (2008) pola súa tradución d' A illa misteriosa de Jules Verne. Entre os seus títulos de literatura infantil citamos Cos petos cheos de cinza (1988), As bolboretas douradas (1999), Eu tamén fun peliqueiro de Laza (2000), Chis chisgarabís (2004), A toupiña cegarata (2005), Nun lugar chamado labirinto (2005, Lista The White Ravens 2006), Pinga de choiva (Xerais 2009) e As palabras do silencio (Xerais 2013).