Palabras de Opoton O Vello

A novela Palabras de Opoton o Vello, de Avel·lí Artís-Gener está considerada unha obra de referencia da literatura catalá do século XX. Ambientada en Galicia, o autor quixo darlle
a volta á historia nunha ficción na cal seis canoas aztecas parten de México no ano 1498 en dirección a Galicia para descubriren o novo mundo. Situada cronoloxicamente pouco antes do xenocidio de América, a novela fabula desde a ollada inocente ou desconfiada con que os aztecas observan e interpretan a vida e os costumes galegos de finais da Idade Media.
Denunciando o feito de que un pobo se poida erixir en conquistador e dominador doutro, Avel·lí Artís-Gener parte do coñecemento das linguas propias de México, como o náhuatl, para realizar un xogo de espellos que fascina nunha novela chea de humor, magnificamente traducida por Eduard Velasco, e que supón unha férrea defensa da liberdade dos pobos e da convivencia das culturas.

Formato:

9,99 €

( impuestos incluidos )

SOBRE EL AUTOR/A

Avel·lí Artís-Gener

AVEL·LÍ ARTÍS-GENER (Barcelona 1912-2000) é un dos escritores cataláns de culto. Coñecido tamén polo alcume Tísner, foi xornalista, pintor, escenógrafo, tradutor e director artístico de publicidade. Durante a Guerra Civil loitou no exército da República, foi internado no campo de concentración de Coll d'Ares e posteriormente exiliouse en París e en México, país no que residirá durante vinte e cinco anos, en contacto coa cultura precolombina. Estableceu relación co exilio galego no buque Ipanema. Paraules d'Opòton el Vell (1968) está considerada como unha das mellores obras da literatura catalá do século XX. Autor dunha longa obra literaria e gráfica, recibiu a Creu de Sant Jordi, así como os premios Ciutat de Barcelona de Narrativa Catalana, Crítica Serra d'Or ou o Premi d'Honor de les Lletres Catalanes.

Eduard Velasco

Publicou os poemarios «Ruído de trens» (2015) e «O filósofo coxo» (2017). O relato «Taxidermia», inserido no volume colectivo «A garza insomne», foi a súa primeira proposta narrativa. En 2019 publica en Xerais «Os días felices de Benvido Seixas», novela coa que obtén o Premio Losada Diéguez, 2020. Traduciu do catalán ao galego as novelas «Pan negro», de Emili Teixidor, «As valgadas bravas», de Raimon Casellas, e «Palabras de Opoton O Vello» (Xerais, 2020). Do galego ao catalán trasladou dúas pezas de Vicente Risco: os relatos «Do caso que lle aconteceu ao doutor Alveiros» e «Os europeos en Abrantes», e mais a novela «O porco de pé». Como autor de literatura infantil, quedou finalista do Premio Merlín en dúas ocasións co libro de poemas «Animalario de ler a diario» (Xerais, 2022).

❮ ❯